2014年1月20日 星期一

台中台北平價遊Day2

今日要一早起身因為要坐9點30共乖車。
坐車之前當然食個早餐先,新驛的早餐我認為有4星水準。

食完就行去達欣酒店坐共乘車1人300台幣,今次係車上面有4個人係本地人,一個大學生同3個屋企人去清境。成部車得7個人好多位



今次住既係天星民宿,一去到check in先跟住俾400台幣跟團明早去合歡山睇日出

擺低行李後就去食個lunch




食完等到2點反民宿老闆就開車,車我地去清清草原,睇羊羊,入面好多香港人。

入面有好多羊羊,不過成個地下都有好多羊屎。

過左一間就有個𥌓光。
行到3點到就落反去,行左711,朋友話想試試關東煮。
食完就反民宿睇日落。




睇完日落之後就去小瑞士花園



睇完就去食晚餐,食完就反去沖涼睇下星星再訓,因為明日有好野。

台中台北平價遊Day1


Day1 9點多小小己到左hk express Check in 今次去台中機票價就520包税同燃油,令外加多200蚊買左來回行李。去15Kg 回20Kg。 去既時候得7Kg 反嚟時得11Kg 早知買來回15算。
Hkexpress既機都係嚟自香港航空只係機身上加上hkexpress 字。我高169Cm都重可以坐到有位剩。如果175以上坐得可能有小小困難。

今日班機有好多空位。前面全空。


落左機就拿拿林去飯店check in。唔洗12點50就到機場。早過原定15分鐘。台中機場好細,入完境就即衝去坐巴士去台中火車站。巴士司機好好人,一上車主動幫你拎行李擺好。坐左個半鐘,到左。


今次住既係新驛旅店。三個人就800港幣左右。原本以為無咩特別,點知浴室好大,房間design好靚。大家記住台灣訂住宿大部份官網訂會平好多。


擺好行李後就去左春水堂食反個下午茶。平日嚟講都算多人,但個人認為食物一般,而珍珠奶茶都好普通,價錢都好貴。


食完下午茶都4點,即刻行過去台灣國立科學館既植物園。



可惜星期一無開館。
影完相就去7-11買反張悠遊卡,因為台中坐公車頭8公里免費,超過後收費都好平。買完就坐車去逢甲夜市。

去到逢甲大學當然影相,逢甲大學對出有一間台灣大哥大。用500蚊買左5日既任上。速度好快1秒12Mb,我朋友用自己部機開熱點分享3個人用。

炸皮蛋,個人認為泰式辣味好食。重試左大腸包小腸,烤蠔同炸蝦串。

50蚊一杯既芭樂汁。個人認為好口感。





食完都8點半,食完後行左陣消化下無野買就坐巴士反台中火車站。

反到飯店第一時間開水

新驛飯店既浴缸唔錯。沖完涼傾下計12點就訓。